Luathscríbhneoirí na hAthbheochana agus Saothrú an Phróis 1900-1916

Abstract

Is éard atá sa saothar seo ná staidéar ar cheathrar de luathscríbhneoirí na hAthbeochana. Is iad na scríbhneoirí a bheidh faoi chaibidil ná: an tAthair Peadar Ó Laoghaire; an tAthair Pádraig Ó Duinnín; Pádraig Ó Séaghdha (‘Conán Maol’); agus Pádraig Ó Séaghdha (‘Gruagach an Tobair’). Déanfar iniúchadh ar a bprós-scríbhneoireacht chruthaitheach. Tagrófar don cheathrar seo mar scríbhneoirí tuaithe toisc gur rugadh agus tógadh iad go léir laistigh de limistéar Shliabh Luachra. Beidh an réigiúnachas agus an litríocht phobail mar fhráma an taighde seo.